"Маўклівыя акцыі" трапяць пад забарону новага закону
Пра гэта на прэс-канферэнцыі паведаміў дэпутат Палаты прадстаўнікоў Анатоль Глаз.
Нагадаем, змены ў "Закон аб масавых мерапрыемствах" дэпутаты прынялі 3 кастрычніка адразу ў двух чытаннях. З канчатковага тэксту яны выкінулі словы, якія прыраўноўвалі да пікетаў так званае "масавае бяздзеянне". Аднак удзельнікам "маўклівых акцыяў" гэта не дапаможа: іх дзеянні ўсё адно трапляюць пад забарону. Нават на маўклівы сход, які праходзіць паводле папярэдняй дамовы, трэба браць дазвол уладаў.
