Мікалай Дзядок застаецца ў адзіночцы да 6 снежня

Бацька зняволенага Аляксандр Дзядок распавёў Радыё Свабода, што яго сын можа сустракацца з адвакатам, хоць гэта і стала складана. На палітвязняў павялічылі ціск, у калоніі ўзнікла напружанасць.

Адвакату ўдалося коратка пагутарыць з Мікалаем. Са здароўем у хлопца не вельмі добра, бо абвастрыліся страўнікавыя захворванні. Бацькі даслалі патрэбныя лекі, але ўжо цягам месяца па невядомых прычынах яму не выдаюць гэтую бандэроль. Хоць у яго асабістай справе ёсць дакументы, якія пацвярджаюць наяўнасць захворванняў.

Мікалай Дзядок адбывае 4,5 гады калоніі па гэтак званай “справе анархістаў”.