Міліцыянты палююць на бюлетэні кампаніі “За справядлівыя выбары”
Пад такое паляванне трапілі гродзенскія актывісты партыі "Справядлівы свет" Павел Станеўскі і Віктар Міхальчык.
11 ліпеня яны везлі ў машыне бюлетэні “За справядлівыя выбары”. На тэрыторыі Дзяржынскага раёну аўтамабіль дагнала машына ДАІ, паведамляе праваабарончы сайт "Вясна".
Даішнік паведаміў, што нібыта машына была заўважаная каля дому, які абакралі, і запатрабаваў адчыніць багажнік. Убачыўшы там друкаваную прадукцыю, міліцыянт стаў з нейкім стэлефаноўвацца. Потым ён паведаміў, што павінны прыехаць спецыялісты. Чакаць іх давялося каля гадзіны.
“Спецыялісты” ўзялі ў Міхальчыка і Станеўскага тлумачэнні, пералічылі друкаваныя матэрыялы. Пасля гэтага затрыманых актывістаў даставілі ў Фаніпаль, а адтуль — у Дзяржынск. Аўтамабіль загналі на штрафстаянку для высвятлення акалічнасцяў.
Актывісты збіраюцца абскарджваць дзеянні дзяржынскай міліцыі.
Фота — spring96.org
