Ніна Пахлопка: Знішчаецца ўсё, што звязана з імем Някляева
Мінюст ініцыюе ліквідацыю міжнароднай грамадскай арганізацыі "Клопат". Яе выканаўчым дырэктарам лічыцца Уладзімір Някляеў.
8 лютага Міністэрства юстыцыі падала ў Вярхоўны суд пазоў аб ліквідацыі міжнароднага грамадскага аб'яднання "Клопат". Матыў — арганізацыя працяглы час не знаходзіцца па юрыдычным адрасе і не прадставіла неабходныя дакументы.
"Гэта ліквідацыя чарговай грамадскай арганізацыі, якая наважылася дапамагаць Някляеву. Знішчаецца ўсё, што звязана з ягоным імем. Арганізацыя "Клопат" існуе з 1999 года, Мінюст ні разу яе не правяраў — а тут наляцелі крумкачы", — заявіла "Беларускаму партызану" старшыня праўлення МГА "Клопат" Ніна Пахлопка.
