Рэдактар "Брэсцкага кур'ера" не збіраецца звяртацца ў праваахоўныя органы
Рэдакцыя газеты не спадзяецца што тыя, хто даслаў пагрозы, будуць знойдзены і прыцягнуты да адказнасці, заявіў Аляксандраў.
Галоўны рэдактар недзяржаўнай штотыднёвай газеты "Брэсцкі кур'ер" Мікалай Аляксандраў пакуль не мае намер звяртацца ў праваахоўныя органы з нагоды двух атрыманых ананімных лістоў з пагрозамі ў адрас рэдакцыі.
"Па-першае, мы не баімся. Па-другое, не асабліва спадзяемся, што той ці тыя, хто даслаў гэтыя лісты, будуць знойдзены і прыцягнуты да адказнасці, — заявіў БелаПАН Аляксандраў. — Але калі такія лісты працягнуць прыходзіць у рэдакцыю, будзем знаходзіць варыянты, як нам паступіць".
