Гарадскі суд Мінска адклаў разгляд скаргі адваката Паўла Свярдлова

Касацыйную скаргу на прысуд журналіст Еўрарадыё Павел Свярдлоў накіраваў яшчэ 25 чэрвеня. Але дакументы да гарадскога суда так і не дайшлі. У адпаведнасці з правіламі, скаргу Павел перадаў адміністрацыі Цэнтра ізаляцыі правапарушальнікаў на Акрэсціна. Аднак у судзе Еўрарадыё паведамілі, што скаргу там так і не пабачылі.

Суд палічыў, што касацыйнай скаргі адваката Свярдлова недастаткова і адклаў разгляд. На які час перанесены разгляд, пакуль невядома.

Нагадаем, што Паўла затрымалі раніцай 22 чэрвеня нібыта за лаянку ў грамадскім месцы. Ужо ў абед адбыўся суд, які прыгаварыў журналіста Еўрарадыё да 15 сутак арышту. У той жа дзень ля офіса Еўрарадыё дзяжурылі супрацоўнікі праваахоўных органаў у цывільным. Яны цікавіліся іншым журналістам Еўрарадыё -- Віталём Ругайнам.