Сухотніка Ганчарэнку, які абвясціў галадоўку, змясцілі ў псіхушку
12 снежня сябра Беларускай хрысціянскай дэмакратыі Валерый Ганчарэнка абвясціў галадоўку супраць жудасных умоваў лекавання.
Ён знаходзіўся ў сухотным шпіталі ў Багушэўску. На восьмы дзень галадоўкі яго змясцілі ў псіхіятрычнае аддзяленне, паведамляе Радыё Свабода. Ганчарэнка ўпэўнены, што гэта спосаб змагання з іншадумствам, вядомы яшчэ з савецкіх часоў.
На пачатку снежня Валерый Ганчарэнка даслаў у адміністрацыю прэзідэнта зварот, каб замест асуджаных за тэрарызм Кавалёва і Канавалава расстралялі яго.
