У 2014 годзе ў Антарктыдзе ўздымуць беларускі дзяржаўны сцяг
Наша краіна запланавала будаўніцтва нацыянальнай базы ў Антарктыцы.
Праект пачне рэалізоўвацца ў 2014 годзе. Аб'ект разлічаны на 10-12 чалавек.
Нацыянальная база з'явіцца ў раёне гары Вячэрняя ў Антарктыдзе, недалёка ад расійскай базы, якой часова карыстаюцца беларускія навукоўцы. Інфраструктура апошняй састарэла і жыць там складана.
Як паведамляе БелаПАН, у Мінску будаўніцтва ўласнай антарктычнай базы тлумачаць неабходнасцю беларусам заявіць сваю прысутнасць на ледзяным кантыненце. У прыватнасці, над сваёй базай нашы навукоўцы змогуць узняць беларускі дзяржаўны сцяг.
Фота — newsby.org
