У Беластоку ліквідавалі нелегальную бензазапраўку з беларускім палівам
Супрацоўнікі Падляшскай мытні закрылі ў Беластоку нелегальную бензакалонку, якая размяшчалася ў адным з гаражоў.
На месцы аперацыі было выяўлена 1500 літраў кантрабанднага дызельнага паліва з Беларусі.
Як паведамляюць мясцовыя СМІ, супрацоўнікі мытні з’явіліся каля бензакалонкі якраз у той момант, калі там з беларускага аўтамабіля пералівалася паліва ў каністры. Уладальніку бензакалонкі пагражае вялікі штраф.
