У Брэсце да Міжнароднага Дня абароны правоў дзяцей зладзілі выставу
Выстава ў стылі "фэнтэзі" ілюструе магчымыя наступствы перамогі ў Беларусі "мірнага атама".
Мастак Антон Тадорскі зрабіў выставу 5 карцін на 5 дзён "Астравецкая мадонна плюс". На карцінах дамінуюць агрэсіўныя і дэманічныя мутанты. У дзень дзіцяці мастак вырашыў нагадаць пра планы будаўніцтва АЭС ў Астраўцы. На галоўнай карціне выяўлена жанчына-пачвара з трыма яе мутантамі-дзяцьмі.
"Я не адмысловец у ядзернай фізіцы, але насцярожвае несур’ёзнае стаўленне да плану пабудовы АЭС у Астраўцы. Нейкія гульні, гульні… Таму лічу ў Дзень абароны правоў дзяцей актуальнай менавіта такую выставу-папярэджанне", - распавёў Антон Тадорскі.
Выстава праходзіць у рэдакцыі газеты "Брестский курьер”.
