Савет ЕC пашырае санкцыі ў дачыненні Беларусі
У “чорны спіс” Еўрасаюза трапяць яшчэ 135 беларускіх чыноўнікаў.
У новы “чорны спіс” увойдуць фізічныя і юрыдычныя асобы, якія маюць дачыненне да парушэння фундаментальных правоў чалавека, паведамляе РИА Новости са спасылкай на прадстаўніка прэс-службы ЕС.
Прынятыя папраўкі пашыраюць крытэрыі выкарыстання абмежавальных захадаў і замарожвання актываў. 9 лютага пра магчымасць пашырэння санкцый супраць афіцыйнага Мінска заявіў на сустрэчы з сем’ямі палітвязняў дырэктар дэпартамента па пытаннях Расіі, Усходняга партнёрства, Цэнтральнай Азіі, рэгіянальнага супрацоўніцтва і АБСЕ Еўрапейскай службы знешняга дзеяння ЕС Гунар Віганд.
