У Мінску затрымалі пяць удзельнікаў "арабскай вясны"?
Падазроных егіпцянаў узялі пад варту.
Як паведамляе тэлеканал АНТ, нелегальныя мігранты планавалі праз Беларусь трапіць у краіны ЕС. Там яны, нібыта, меліся ўзяць удзел у падпольным руху супраціву.
Па звестках мінскай міліцыі, падчас апытання стала вядома, што егіпцяне ўдзельнічалі ў баявых дзеяннях падчас "арабскай вясны". Міліцыянты кажуць, што затрыманымі рухае прага помсты з-за ваенных дзеянняў на тэрыторыі іх краін і жаданне супраціву навязанаму грамадска-палітычнаму ладу.
Затрыманыя працягваюць даваць сведчанні міліцыянтам. Пасля прававой ацэнкі іх дзеянняў будзе вырашацца пытанне пра высылку замежнікаў з Беларусі.
Фота — belvpo.com
