У Мінску затрымлівалі здымачную групу БелаПАН
Журналісты займаліся штотыднёвай вулічнай апытанкай каля будынка Нацыянальнай акадэміі навук.
Іх затрымалі каля 15-й гадзіны. Журналісты ладзілі апытанку наконт таго, каго гатовыя грашова падтрымаць грамадзяне — уладу ці апазіцыю. Міліцыянты затрымалі карэспандэнта Ганну Афоніну, а таксама аператараў Сяргея Сацюка і Васіля Сямашку.
“Журналісты затрыманыя для высвятлення іх асобаў. Яны рабілі традыцыйную апытанку ля кінатэатра "Кастрычнік”, — гавораць у рэдакцыі інфармацыйнага агенцтва.
Здымачную групу адвезлі ў аддзяленне міліцыі Першамайскага раёна.
