Яшчэ аднаго брэсцкага актывіста затрымалі за ўлёткі пра Народны сход
Сябра партыі левых “Справядлівы свет” Вадзім Рабцэвіч расклейваў у парку Воінаў-інтэрнацыяналістаў улёткі з інфармацыяй пра гэтае мерапрыемства.
На брэсцкага актывіста пры затрыманні склалі пратакол за парушэнне парадку арганізацыі ці правядзення масавага мерапрыемства. Рабцэвіча пакінулі ў ізалятары часовага ўтрымання да суда, паведамляе БелаПАН. Яго справу будуць разглядаць заўтра, 6 кастрычніка.
3 кастрычніка быў затрыманы яшчэ адзін актывіст з Брэста, Лявонцій Чыпурных. Ён таксама распаўсюджваў улёткі пра Народны сход. За гэта яму прысудзілі 5 сутак арышту.
