З надыходам зімовых школьных вакацыяў зніжаецца колькасць хворых на ВРЗ
Гэта канстатуюць спецыялісты Рэспубліканскага цэнтра гігіены, эпідэміялогіі і грамадскага здароўя.
Па звестках цэнтра, на 26 снежня колькасць хворых на вострыя рэспіраторныя захворванні знаходзіцца на неэпідэмічным узроўні. А вось Сусветная арганізацыя аховы здароўя паведамляе, што па ўсім еўрапейскім рэгіёне час эпідэміі грыпу яшчэ не надышоў. Толькі ў 6 з 46 краінаў, якія падалі свае звесткі, адзначаецца тэндэнцыя росту ВРЗ, інфармуе БелаПАН.
