Замест аўтамабілістаў праспект перакрыла ДАІ (Фотарэпартаж)

У Мінску прайшла чарговая акцыя “Стоп-бензін”. Гэтым разам супрацоўнікі ДАІ перакрылі пад’езды да цэнтральнай часткі праспекта Незалежнасці. У выніку ўтварыліся заторы на Нямізе і іншых вуліцах, па якіх можна аб'ехаць цэнтр горада. На думку Шаркова, акцыя адбылася, бо галоўная яе мэта не перакрыццё вуліц, а данясенне да ўлады сваёй пазіцыі, сваіх пратэстных настрояў. Калі ўлічыць, колькі намаганняў прыклала ўлада супраць акцыі, то можна сказаць: яны добра адсочвалі падзеі і ведаюць, што цэны на бензін хвалююць людзей, кажа Шаркоў.

Нагадаем, 20 жніўня аўтамабільнае паліва ў Беларусі падаражэла ў шосты раз з пачатку года. Гэтым разам на 3%.