ЗША працягнулі абмежаванні на гандаль з Беларуссю
Барак Абама падоўжыў да 17 жніўня 2013 года дзеянне закону, які абмяжоўвае гандлёвыя адносіны з шэрагам краін, у тым ліку з Беларуссю.
Дзеянне дакумента падаўжаецца тэхнічна, але спіс краін, якія трапляюць пад санкцыі, перыядычна карэктуецца, адзначае Радыё "Свабода".
Беларусь трапіла ў пералік у 2006 годзе — "за разбурэнне дэмакратычных інстытутаў". У 2011 годзе дадалася фармулёўка "пасля агрэсіі ўладаў у дачыненні да грамадзянскіх асобаў". У спісе таксама называюцца Іран, Бірма, Судан, Зімбабвэ, Сірыя, Паўночная Карэя, Лівія і Расія. Нашу ўсходнюю суседку ўключылі ў спіс у 2000 годзе "дзеля прадухілення экспарту высокаўзбагачанага ўрану".
Фота — uainfo.censor.net.ua
