Салют у Дзень Незалежнасці 3 ліпеня пачнецца а 23:00
Ён пройдзе ва ўсіх абласных цэнтрах краіны і Брэсцкай крэпасці.
Салют у гонар Дня Незалежнасці Беларусі пачнецца 3 ліпеня а 23:00 ва ўсіх абласных цэнтрах краіны, а таксама ў Брэсцкай крэпасці. Пра гэта паведаміў сёння ваенны камендант камендатуры Узброеных Сіл Беларусі Анатоль Грыцаў.
“Салют пачнецца на ўсёй тэрыторыі Беларусі са сканчэннем выканання дзяржаўнага гімна. Магчымая затрымка 15-20 секунд”, — растлумачыў ваенны камендант.
У Мінску святочны салют будзе праводзіцца з шасці агнявых пазіцый: у парку імя 50-годдзя Перамогі, на узбярэжжы Свіслачы; на пустцы ў раёне населенага пункта Навінкі; у аэрапорце Мінск-1; на пустцы ў раёне Чыжоўскіх могілак за МКАД; на пустцы на беразе вадасховішча Дразды і ў ваенным гарадку ва Уруччы, — паведамляе БЕЛТА.
Фота: ptzgovorit.ru
