Следчы камітэт сёлета распачаў 2500 карупцыйных спраў
Каля 1500 спраў ужо накіраваныя ў суд.
Як інфармуе газета "СБ. Беларусь сегодня", у 2014 годзе следчымі ўжо разгледжаныя больш за 3 тысячы заяваў аб эканамічных і карупцыйных злачынствах. У выніку было распачата 2500 крымінальных спраў.
БЕЛТА дадае, што каля 1500 спраў накіравана на разгляд у суд. Па выніках расследавання ўстаноўленыя матэрыяльныя страты на суму каля 135 млрд рублёў. Усе гэтыя страты кампенсаваныя дзяржаве.
Цяпер у вытворчасці знаходзяцца адразу некалькі рэзанансных крымінальных спраў аб карупцыйных злачынствах у органах дзяржаўнай улады. Ужо завяршаецца расследаванне справы рэктара Інстытута культуры.
Як паведамляла Еўрарадыё, у Беларусі ў 10 разоў павялічацца штрафы за карупцыйныя злачынствы.
Фота — Fotolia
