У Баранавіцкім раёне перакуліўся мікрааўтобус, пацярпелі дзве пасажыркі
На месцы аварыі / t.me/krepostfortuvd/
У Баранавіцкім раёне перакуліўся мікрааўтобус, пацярпелі дзве пасажыркі. Пацярпелым 42 і 57 гадоў. Яны шпіталізаваныя, паведамляе брэсцкая міліцыя.
Здарэнне адбылося ў сераду каля 18:30 на 4-м кіламетры аўтадарогі Новая Мыш — Палонка. 50-гадовы вадзіцель не справіўся з кіраваннем, у выніку чаго мікрааўтобус з'ехаў у кювет. У салоне знаходзіліся пяць пасажыраў.
У складаных умовах надвор'я аварыі адбываюцца па ўсёй краіне. У Магілёве каля 14-й гадзіны сутыкнуліся таксоўка і маршрутка. На агляд у медустанову завезлі пацярпелых — кіроўцу мікрааўтобуса і 52-гадовую пасажырку.
