У Беларусі скончыўся тэрмін рэалізацыі астаткаў тавараў ІП
![У Беларусі скончыўся тэрмін рэалізацыі астаткаў тавараў ІП](/sites/default/files/styles/gallery_main/public/2023-08/img_0955_eu.jpg.webp?itok=cB390Y9t)
1 студзеня 2016 года ў Беларусі скончыўся тэрмін рэалізацыі астаткаў тавараў індывідуальнымі прадпрымальнікамі. Згодна з указам № 222, цяпер ІП могуць рэалізоўваць прадукцыю легпрама, увезеную з краін Мытнага саюза, толькі з суправаджальнымі дакументамі. Аднак расійскія пастаўшчыкі, у якіх закупляецца большасць беларускіх гандляроў, адмаўляюцца выдаваць такія дакументы, або даюць фіктыўныя даведкі. Гэта робіцца падставай для штрафаў і канфіскацыяў. Прадпрымальнікі неаднаразова звярталіся да ўладаў з заклікам адмяніць гэты ўказ, але рэакцыі з боку ўладаў не было.
Старшыня рэспубліканскага грамадскага аб'яднання "Перспектыва" Анатоль Шумчанка нядаўна накіраваў ліст Аляксандру Лукашэнку. Ад імя індывідуальных прадпрымальнікаў ён просіць увесці з 1 студзеня 2016 года мараторый на ўказы №222 і №48. Шумчанка таксама прапанаваў стварыць працоўную групу з індывідуальных прадпрымальнікаў пры Адміністрацыі прэзідэнта. Гэтая група занялася б выпрацоўкай аптымальнага рашэння па рэгуляванні дзейнасці ІП з улікам цяперашняй сітуацыі.
А пакуль з розных рэгіёнаў краіны прыходзіць інфармацыя, што беларускія ІП масава адмаўляюцца ад гандлю на рынках. Тое, што не ўдалося прадаць, прадпрымальнікам давядзецца выкарыстоўваць у асабістых мэтах.
Як склаўся лёс іпэшнікаў, якія абмяркоўвалі свае праблемы з Лукашэнкам