Джон Коўл сказаў, калі прыедзе ў Мінск

Спецпасланнік прэзідэнта ЗША па Беларусі Джон Коўл абяцае неўзабаве зноў прыехаць у Беларусь. Пра гэта ён паведамляе ў сацсетцы X.

Адна з падпісчыц задала яму пытанне: "Спадар Джон Коўл, вы нацыянальны герой Беларусі! Калі мы можам чакаць вас у Мінску? Мы ўскладаем на вас самыя вялікія надзеі".

Коўл адказаў адным словам: "Хутка".

Раней ён пісаў у сацсетцы Х, што вызваленне палітвязняў яшчэ не скончанае і прасіў не губляць надзею. Меркавалася, што Коўл прыедзе ў Беларусь у траўні разам з амерыканскім прапаведнікам Франклінам Грэмам. Аднак у мінулым месяцы візіт спецпасланніка не адбыўся. Паводле звестак праваабаронцаў, не плануецца такі прыезд і ў чэрвені.

Агулам Злучаныя Штаты дапамаглі вызваліць каля 500 беларускіх палітвязняў.