Беларусь паднялася на адзін радок у рэйтынгу міралюбных краін свету
Беларусь не трапіла нават у першую сотню міралюбных краін свету, ілюстрацыйнае фота / president.gov.by
У рэйтынгу міралюбных краін свету Беларусь сёлета паднялася на адзін радок і заняла 115-е месца.
Як адзначаецца ў рэйтынгу, у Беларусі палепшыліся паказчыкі па двух з трох асноўных катэгорый — у ацэнцы грамадскай бяспекі і ўдзеле ва ўнутраных і міжнародных канфліктах. Акрамя таго ў рэйтынгу ацэньваецца палітычная стабільнасць, узровень гвалту, колькасць зняволеных і агульная сітуацыя ў грамадстве.
Агулам у рэйтынгу ацэньваецца узровень бяспечнага пражывання ў 163 дзяржавах. Латвія трапіла на 19-е месца, Польшча — на 22-е, а Літва заняла 24-ы радок. Украіна аказалася на 160-м месцы, а Расія замыкае рэтынг на 163-м месцы.
Тройку лідараў па міралюбнасці склалі Ісландыя, Новая Зеландыя і Швейцарыя.
