У Бранскай вобласці перахапілі пчол і вярнулі іх назад у Беларусь
Пчол везлі ў мікрааўтобусе / fsvps.gov.ru
У Бранскай вобласці перахапілі пчол і вярнулі іх назад у Беларусь. У ветэрынарным сертыфікаце не хапала важнай інфармацыі аб адпраўніку і атрымальніку. Не хапала дакументаў аб праведзеных даследаваннях і апрацоўках пчол.
Як паведаляе bryansk.news, пчол везлі ў мікрааўтобусе. Спынілі яго 19 траўня ў Злынкаўскім раёне. У кіроўцы-грамадзяніна Беларусі быў дакумент, з якога вынікала, што 106 сем'яў пчол ён вёз з Гомельскай вобласці ў Маскоўскую вобласць РФ.
