У Конга падчас крушэння вайсковага верталёта загінуў беларус
На месцы катастрофы / t.me/otvinta_by/
У Конга (у 2021-м там затрымлівалі беларускага бізнесмена) падчас крушэння вайсковага верталёта Мі-24 загінуў беларус Віктар Брэжнеў. Яму было 64 гады. Як піша @otvinta_by, Брэжнеў быў камандзірам экіпажу. Ён з Наваполацка, у свой час быў у Афганістане.
Верталёт мясцовых ваенна-паветраных сіл разбіўся на ўзлётна-пасадачнай паласе сталічнага аэрапорта Ндола раніцай у сераду. Прычына невядомая. Загінулі і два іншыя члены экіпажа (адзін з іх — грамадзянін Узбекістана). Яны памерлі па дарозе ў бальніцу. Беларус памёр на месцы катастрофы.
