У Львове пачалі вырабляць бронекамізэлькі для дзяцей
Яны будуць выкарыстаны для эвакуацыі / "Украінформ"
У Львове пачалі вырабляць бронекамізэлькі для дзяцей. Яны будуць выкарыстаныя для эвакуацыі, паведамляе "Украінформ".
Вага бронекамізэлькі складае да двух кілаграм. Ёсць тры памеры для дзяцей рознага ўзросту.
Ад дарослага яна адрозніваецца, у першую чаргу, вагой і канструкцыяй. Яна зроблена так, каб дзіцяці было зручна яе апранаць і здымаць. Мае яркія колеры, святлоадбівальныя стужкі. Ёсць планы дадаць GPS-маяк, каб бацькі маглі ведаць, дзе знаходзіцца дзіця.
Першая партыя з 30 штук будзе дастаўлена ў Данецкую вобласць прыкладна праз тыдзень.
