У Мінску патануў 19-гадовы кітайскі студэнт
Цела студэнта падрыхтоўчых курсаў БДУ з Кітая дастала сёння са Свіслачы манеўрана-пошукавая група асводаўцаў.
Малады чалавек пражываў у інтэрнаце №5 на вуліцы Кастрычніцкай.
Як паведамляе tut.by, увечары 17 верасня кампанія з двух хлопцаў і дзяўчыны адпачывалі на парапеце каля Свіслачы. Усе трое — кітайцы. Аднаму маладому чалавеку стала дрэнна, і ён зваліўся ў ваду.
Мяркуючы па ўсім, хлопец спрабаваў выратавацца, але ў яго гэта не атрымалася. Глыбіня ракі ў тым месцы была каля двух метраў.
Фота — tut.by
