У Мінску судзяць дваіх братоў, якія спрабавалі збегчы з залы суда

У Мінскім гарадскім судзе пачаўся працэс па справе братоў Паповых, які летась зрабілі спробу ўцёкаў з залы суда. У лістападзе 2014 года іх судзілі за махлярства ў Савецкім раённым судзе. Пасля завяршэння паседжання, абвінавачаныя папрасіліся ў прыбіральню. Іх павялі туды па адным і пад наглядам. Затым іх суправадзілі ў канвойны пакой. Там старэйшы братоў дастаў абрэзак трубы, знойдзены ў прыбіральні і пачаў збіваць канвойнага. Малодшы кінуўся яму на дапамогу, але яго хутка ўтаймавалі.

Пасля гэтага выпадку абвінавачаныя перасоўваюцца з узмоцненым канвоем — у кайданках і ў суправаджэнні службовых сабак.  

Браты Паповы маюць казахстанскае грамадзянства. Яны часова жылі ў Расіі. Абодва маюць вышэйшую адукацыю, дзяцей.

Раней яны былі асуджаныя за махлярства і прысуд набыў моц сёлета 12 траўня, інфармуе sb.by

Фота: sb.by