У Зэльве вучылі, як не паддавацца на правакацыі "экстрэмістаў"
На сустрэчы прысутнічаў кіраўнік раёна Дзяніс Альшэўскі (злева) / zelwa.by
У Зэльве вучылі, як не паддавацца на правакацыі "экстрэмістаў". Чыноўнікі і сілавікі правялі "прафілактычную" сустрэчу з калектывам сельгасхіміі. Галоўны пасыл прысутным — "атрымліваць навіны варта на платформах афіцыйных СМІ", у адваротным выпадку паабяцалі сур'ёзныя праблемы.
"У нашай краіне выбудаваная цэлая сістэма процідзеяння экстрэмізму. Ажыццяўляюць яго дзяржорганы ва ўзаемадзеянні адзін з адным згодна з прынятай нарматыўна-прававой базай і ў рамках прававога поля, — цытуе словы мясцовага галоўнага "ідэолага" Марыі Талерковай раённая газета. — Але і самі людзі не павінны слепа паддавацца экстрэмісцкім заклікам, якія часта маскіруецца пад добрыя намеры, а валодаць пэўнымі ведамі ў гэтай галіне".
Словы пра "рамкі прававога поля" ў рэаліях цяперашняй Беларусі гучаць, як здзек.
