Украінскія сілавікі вырашылі не штурмаваць Славянск

Першы намеснік старшыні СБУ, кіраўнік антытэрарыстычнай аперацыі Васіль Крутаў заявіў, што адмова ад штурму звязаная з жаданнем не дапусціць ахвяраў сярод мірнага жыхарства (з'явілася інфармацыя, што баевікі ўмацаваліся ў дзіцячых садках і бальніцах). "Мы дзеля нейкіх перамог не пойдзем на ахвяры мірных грамадзян, але злачынцы, тэрарысты, сепаратысты павінны несці і будуць несці адказнасць", — цытуе яго словы УНІАН.

Славянск будзе цалкам заблакаваны ўкраінскімі сілавікамі, каб не дапусціць у горад падмацавання для сепаратыстаў.
 

Фота — Reuters