Улады прапаноўваюць дадаткова абмеркаваць праект Мытнага кодэкса ЕАЭС
Дзяржаўны мытны камітэт прапаноўвае дадаткова абмеркаваць праект Мытнага кодэксу ЕАЭС. Адпаведная інфармацыя размешчаная на афіцыйным сайце ДМК.
На пасяджэнні Еўразійскага міжурадавага савета 16 лістапада кіраўнікі ўрадаў краін — сябраў ЕАЭС узгаднілі праект кодэксу і распарадзіліся накіраваць яго ў краіны саюза для правядзення працэдур падрыхтоўкі да падпісання. Само прыняцце дакумента запланаванае на 26 снежня 2016 года. У працэсе распрацоўкі праект абмяркоўваўся з бізнес-супольнасцю і іншымі зацікаўленымі асобамі. Цяпер мытныя органы гатовыя разгледзіць любыя прапановы.
Дасылаць свае ідэі і заўвагі можна да 15 снежня. Азнаёміцца з праектам Мытнага кодэкса ЕАЭС можна тут.
