Уладзімір Копаць завяршае кар'еру хакеіста (відэа)

39-гадовы абаронца Ўладзімір Копаць завяршыў кар'еру прафесійнага хакеіста, паведамляе Беларуская федэрацыя хакею. Нагадаем, што менавіта Копаць быў аўтарам гістарычнай шайбы ў вароты зборнай Швецыі на Алімпіядзе ў Солт-Лэйк-Сіці.

"Так, я скончыў з вялікім хакеем. Гэтае канчатковае рашэнне. Я дарослы чалавек, таму нейкія ўгаворы застацца - недарэчныя", - заявіў спартовец.

Апошнія сезоны Ўладзімір Копаць выступаў у хакейным клубе "Гомель".