Выдавецтва "Янушкевіч" паведаміла, што "Гары Потэра не будзе"
Паразумецца з праваўладальнікамі серыі кніг Джоан Роўлінг пра Гары Потэра не ўдалося / Reuters
Выдавецтва "Янушкевіч" паведаміла, што беларускамоўнага "Гары Потэра не будзе". З праваўладальнікамі не ўдалося дамовіцца, бо Беларусь знаходзіцца пад заходнімі санкцыямі.
"Яны не хочуць звязвацца ні з чым беларускім, пакуль Рэспубліка Беларусь пад санкцыямі, — адзначае выдавецтва. — Усе нашы тлумачэнні, што мы зараз пад польскай юрысдыкцыяй, не далі выніку, мы зрабілі што маглі. Мы ацэньваем тое, што адбылося, як акт дыскрымінацыі нацыянальнай культуры. І гэта адбываецца ў Еўропе...".
У "Янушкевічы" лічаць, што "нашым палітыкам і культурным дыпламатам" трэба працаваць над вырашэннем "важнай, надзённай і канкрэтнай праблемы".
