Як у Беларусі прайшлі Каляды-2010

Паводле яе слоў сёння Вольга Някляева падала скаргу ў пракуратуру генеральнаму пракурору Васілевічу. Пульсуе інфармацыя, што, магчыма Някляеў знаходзіцца не ў СІЗА КДБ, а ў бальніцы, падкрэслівае праваабаронца. У паўторнай заяве Вольга патрабуе даць ёй інфармацыю аб месцазнаходжанні яе мужа, і дапусціць адваката, каб упэўніцца ў стане здароўя Някляева.

Танкачова распавяла, што на працягу дня адбываліся вобыскі, якія праводзіліся па хатнім адрасам, кватэрах актывістаў, якія знаходзяцца ў СІЗА КДБ, а гэтак жа па шэрагу адрасоў грамадскіх актывістаў у рэгіёнах. Вобыскі прайшлі ў кватэрах Вечаслава Сіўчыка, Алега Воўчака, Уладзіміра Халіп, на кватэрах жонкі і бацькоў Аляксандра Атрошчанкава, Дзмітрыя Бандарэнка, Аляксандра Арэстовіча, маці Наталлі Радзінай, у Мінскім офісе АГП.

У кватэры бацькоў рэгіянальнага актывіста Юрыя Алейніка з Маладэчна была канфіскавана аргтэхніка, носьбіты інфармацыі, нягледзячы на тое, што і бацькі і малодшы брат упэўнівалі, што гэта маёмасць, якая належыць не Юрыю.

Сярод станоўчых момантаў сённяшняга святочнага дня Танкачова адзначыла сустрэчу кіраўніка штаба Някляева Андрэя Дзмітрыева з адвакатам. Сёння упершыню Ірына Мініна змагла сустрэцца са сваім падабаронным, з яе ўзята падпіска аб неразгалошванні. З таго, што магла сказаць Ірына, яна паведаміла, што Андрэй знаходзіцца ў нармальным стане, засяроджаным, адказным. Стан здароўя не выклікае сур'ёзных апасенняў, нягледзячы на тое, што адвакат ведае аб хранічных захворваннях з сэрцам. Доўгая немагчымасць зносін з Андрэем таксама выклікалі сумненні аб стане яго здароўя, адзначыла праваабаронца.  

Учора ўвечары былі затрыманы два маладых праваабаронца Вольга Дамарад і Махаіл Мацкевіч, суд над імі будзе праходзіць у панядзелак у Маскоўскім судзе, яны увесь тыдзень займаліся маніторынгам судовых працэсаў па затрыманнях, якія адбыліся ў ноч з 19 на 20 снежня.

Танкачова таксама адзначыла, што сёння дастаткова шырока быў распаўсюджаны зварот Нацыянальнай платформы Форуму грамадзянскай супольнасці праграмы "Усходняе партнёрства". Больш 35 падпісантаў асудзілі жорсткі разгон дэманстрацыі 19 снежня і заклікалі ўлады вызваліць з-пад варты ўсіх кандыдатаў у прэзідэнты і іх прыхільнікаў,  а таксама спыніць палітычна матываваны пераслед грамадзян, распавяла Танкачова.

Ужо пасля эфіра з Танкачовай адбыўся ператрус у мінскім офісе "Еўрарадыё".