Як заўзятар злавіў тэнісістку Серэну Уільямс (відэа)
Пацешнае здарэнне адбылося з лідаркай сусветнага рэйтынгу на Уімблдоне.
Падчас паядынка парнага разраду, які Серэна гуляла разам з сястрой Вінус Уільямс, амерыканская тэнісістка, спрабуючы дастаць мяч, вылецела з корта на трыбуну. Адзін з заўзятараў не разгубіўся і злавіў першую ракетку свету.
Серэна Уільямс назвала свайго ратавальніка "выдатным спадаром" ды прызналася, што было смешна, але адчувала яна сябе няёмка, інфармуе Delfi.
