"Зачыстка" ў Пінску: затрымалі не менш за пяць чалавек
2 жніўня ў Пінску адбылася "палітычная зачыстка". Як паведамляе "Вясна", затрымалі не менш за пяць чалавек.
Сярод затрыманых — Алесь Рамановіч і Дзяніс Сядых, якіх раней затрымлівалі ўжо неаднаразова.
У пінчукоў прайшлі ператрусы. Аднаму, як мяркуецца, пагражае крымінальны артыкул "за распальванне варожасці".
Раней сілавікі ладзілі зачысткі ў Іванаве і Драгічыне на Брэстчыне, а таксама ў Мазыры і Хойніках на Гомельшчыне.
