З'явіліся "пакаяльныя" відэа з затрыманымі журналістамі Лычаўкам і Інанец
Аляксандр Лычаўка і Сняжана Інанец / baj.by
У тэлеграм-канале, набліжаным да сілавікоў, 7 кастрычніка з'явіліся "пакаяльныя" відэа з затрыманымі журналістамі Аляксандрам Лычаўкам і Сняжанай Інанец.
Журналістаў прымусілі сказаць пад запіс, што затрымалі іх за падпіску на "экстрэмісцкія" тэлеграм-каналы, а таксама за паходы на маршы пратэсту ў 2020 годзе.
Сняжана і Аляксандр — жонка і муж. Сняжана цяпер працуе ў Onliner. Аляксандр — мінскі краязнаўца і журналіст. Затрымалі іх зранку 6 кастрычніка.
