12 траўня адзначаецца Міжнародны дзень медсястры
У гэты дзень прынята віншаваць прадстаўніц адной з самых гуманных прафесій.
Прафесійнае свята медыцынскіх сясцёр адзначаецца ў дзень народзінаў знакамітай англічанкі, Флорэнс Найцінгейл, якая ў часе Крымскай вайны (1853—1856) арганізавала першую ў свеце службу сясцёр міласэрнасці.
Хоць гэтаму святу фактычна болей за 150 гадоў, яго пачалі адзначаць толькі ў 1974 годзе. Дзень медыцынскай сястры адзначаецца з моманту аб’яднання сясцёр міласэрнасці ў грамадскую арганізацыю — Міжнародную раду медыцынскіх сясцёр (International Council of Nurses).
