24 жніўня ў Беларусі будзе да +25, кароткачасовыя дажджы
24 жніўня ў Беларусі чакаецца воблачнае з праясненнямі надвор'е. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Месцамі, пераважна па ўсходзе, пройдуць кароткачасовыя дажджы, чакаюцца навальніцы. Уначы і зранку ў асобных раёнах магчымы слабы туман. Вецер будзе паўночна-заходні 4-9 метраў за секунду, пры навальніцах прагназуюцца парывы да 14 метраў за секунду.
Уначы тэмпература паветра чакаецца +10...+16 градусаў. Удзень сіноптыкі абяцаюць 20-25 вышэй за нуль.
У Мінску ў сераду ўдзень чакаецца 20-22 градусы са знакам "плюс", магчымы дождж.
