30 чалавек загінула ў егіпецкіх хваляваннях, тысяча — параненыя
Гэта ўдакладненыя лічбы ахвяраў і пацярпелых у сутыкненнях прыхільнікаў і праціўнікаў зрынутага прэзідэнта Мурсі за апошнія суткі.
Як перадае ВВС, большасць загінулых сканала ад агнястрэльных раненняў. Хваля насілля накрыла егіпецкія гарады, пасля таго як напярэдадні спецслужбы застрэлілі траіх дэманстрантаў, якія выступалі ў падтрымку Мурсі. Ахвярамі жорсткіх сутычак у Александрыі сталі 12 чалавек, у Каіры — не меней за 8.
Адхілены ад ўлады прэзідэнта Махамед Мурсі і шэраг лідараў ісламесцкага руху “Браты-мусульмане” знаходзяцца пад арыштам.
Раніцай у суботу егіпецкая прэса паведаміла пра затрыманне Хайрата Шатэра — другога чалавека ў руху “Браты-мусульмане”. Яго падазраюць у падбухторванні да насілля.
Дзярждэпартамент ЗША выступіў з асуджэннем беспарадкаў у Егіпце і заклікаў палітычных лідараў краіны “спыніць далейшую агрэсію”.
Сваю занепакоенасць сітуацыяй у Егіпце выказаў і генеральны сакратар ААН Пан Гі Мун.
Фота: REUTERS
