5 красавіка ў Беларусі абяцаюць да +19
5 красавіка ў нашай краіне чакаецца пераменная воблачнасць. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Па словах сіноптыкаў, будзе пераважна без ападкаў. Уначы і зранку месцамі магчымы слабы туман. Вецер прагназуецца паўднёва-ўсходні 4-9 метраў за секунду.
Тэмпература паветра ўначы чакаецца ад -1 да +6. Удзень метэаролагі абяцаюць 13-19 градусаў вышэй за нуль.
