Адкрыццё хакейнага чэмпіянату свету зойме 17 хвілінаў

Яна будзе праходзіць 15-17 хвілінаў, паведаміў дырэктар Дырэкцыі па правядзенні чэмпіянату свету па хакеі з шайбай 2014 Яўген Ворсін.

Па яго словах. якія перадае БЕЛТА, адкрыццё жорстка рэгламентуецца Міжнароднай федэрацыяй хакея. Раскаткі і заліванне лёду будуць праводзіцца паралельна з адкрыццём. Яго падрабязнасці Ворсін раскрываць не стаў, каб захаваць інтрыгу для гасцей чэмпіянату.

У дзень адкрыцця чэмпіянату фан-зона "Мінск-Арэны" будзе працаваць з 19.30. Наведаць яе змогуць усе ахвочыя незалежна ад наяўнасці квітка. Тут усталююць сцэнічную пляцоўку, гандлёвыя палаткі.

Дарэчы, па словах Ворсіна, у продажы пакуль ёсць квіткі літаральна на ўсе матчы. На некаторыя працэнт рэалізацыі даходзіць практычна да 100%.

Першымі ў Мінск на чэмпіянат прыбудуць каманды Францыі ды Італіі: іх чакаюць 6 траўня.

Фота — hata.by