Афіцыйна пацверджана, што Сашко Білы застрэліўся сам (дакумент)
Такую выснову зрабіла камісія Міністэрства ўнутраных спраў, якая расследавала абставіны гібелі Аляксандра Музычкі (Сашка Білага).
У прыватнасці, расследаванне ўстанавіла, што Музычка сапраўды сам выпадкова стрэліў у сябе падчас затрымання, прычым праваахоўнікі дзейнічалі ў адпаведнасці з заканадаўствам.
Таксама чальцы камісіі рэкамендавалі скончыць службовае расследаванне і лічыць несапраўднымі звесткі, якія прывялі да адкрыцця расследавання, перадае УНІАН.
Копію заключэння і матэрыялы службовага расследавання рэкамендавана накіраваць у Генеральную пракуратуру для прыняцця рашэння паводле заканадаўства.
Фота — УНІАН
