Акцыя “Фатаграфія з флюараграфіяй” пройдзе ў Беларусі
Кожнаму ахвотнаму дадуць магчымасць прайсці флюараграфію на мабільным пульмаскане.
Удзельнікам уручаць сертыфікат і майку ў падарунак. Разынка акцыі — фотасесія.
Акцыя пройдзе ў Беларусі 21-24 сакавіка. Сярод яе арганізатараў — Міністэрства аховы здароўя, Праграма развіцця ААН, таварыства Чырвонага крыжа.
Праблема туберкулёзу ў Беларусі вельмі актуальная. У краіне вялікая колькасць выпадкаў мультырэзістэнтнага туберкулёзу, устойлівага да шэрагу вядомых лекаў, інфармуе БЕЛТА.
