Амерыканскую кангрэсвумэн раскрытыкавалі за тое, што яна добра танчыць
Амерыканскую кангрэсвумэн Александрыю Акасіа-Картэс раскрытыкавалі за ролік, на якім яна танчыць у кампаніі маладзёнаў. 29-гадовая Акасіа-Картэс прадстаўляе ў парламенце ЗША Дэмакратычную партыю. 3 студзеня яна прынесла прысягу, а за некалькі гадзінаў да гэтага ў твітэры апублікавалі відэа з гарачымі танцамі ў яе выкананні.
Ролік быў зняты ў Бостанскім універсітэце, дзе будучая палітык вучылася.
Пасля прагляду роліка кангрэсвумэн раскрытыкавалі прадстаўнікі Рэспубліканскай партыі. Сярод водгукаў было і выказванне пра тое, што пасля сыходу з Кангрэсу Акасіа-Картэс зможа танчыць на сцэне, дзе ёсць пілон.
За кангрэсвумэн (наймаладзейшую ў Кангрэсе) заступіліся многія вядомыя асобы. Актор Расэл Кроў сказаў, што чым болей у ЗША будзе такіх палітыкаў, тым хутчэй усе амерыканцы будуць танчыць.
...High School video of Alexandria Ocasio-Cortez -- Congratulations New York! pic.twitter.com/VSKdUImhZj
— Dan Jordan (@realdanjordan) January 2, 2019
Сама Александрыя Акасіа-Картэс сказала, што для чыноўніка нармальна мець рэпутацыю добрага танцора. І зняла яшчэ адзін ролік — з танцамі ў Кангрэсе.
