Анатоль Міхайлаў больш не будзе рэктарам ЕГУ
Ад новага навучальнага года ён стаў прэзідэнтам.
“Так, гэта ўжо адкрытая інфармацыя. Пасада Анатоля Міхайлава будзе называцца “Прэзыдэнт Еўрапейскага гуманітарнага універсітэта”. На пасаду рэктара будзе абвешчаны адкрыты міжнародны конкурс, а пакуль што прызначаць выконваючага абавязкі”, — пацвярджаюць Еўрарадыё у ЕГУ.
Больш поўную інфармацыю аб пераменах можна будзе атрымаць у бліжэйшыя дні, калі скончацца ўрачыстасці адкрыцця навучальнага года. Сам Анатоль Міхайлаў таксама пакуль недаступны для каментароў.
Нагадаем, што з Міхайлавым звязаны скандал, які распачаўся ў ЕГУ мінулай восенню. У яго выніку з універсітэта быў звольнены кіраўнік Сената Павел Церашковіч. Акрамя яго ўніверсітэт пакінула цэлая група выкладчыкаў.
Фота — dw.de
