Апеляцыйны камітэт АБФФ вярнуў БАТЭ тры ачкі за матч супраць "Слуцка"
10 лістапада прайшло паседжанне апеляцыйнага камітэта Беларускай федэрацыі футбола па шумнай "справе Верамко".
Апеляцыйны камітэт вырашыў адмяніць вердыкт дысцыплінарнага камітэта АБФФ і вярнуць БАТЭ тры ачкі за матч супраць "Слуцка". Разам з тым барысаўскі клуб аштрафаваны на 42 тысячы рублёў (2000 базавых велічыняў), піша tribuna.com.
Як паведамляла Еўрарадыё, за прысутнасць у заяўцы на гульню брамніка Сяргея Верамко, які своечасова не аплаціў штраф за дыскваліфікацыю, барысаўчанам залічылі тэхнічную паразу — 0:3. У чэмпіянаце Беларусі лідарства трымае салігорскі “Шахцёр” — 65 ачкоў, мінскае “Дынама” мае 62, БАТЭ — 61 ачко. Пры вяртанні трох ачкоў барысаўскі клуб выходзіць на другое месца і адстае ад лідара толькі на адно ачко.
Да канца сезона ў чэмпіянаце краіны засталіся толькі два туры.
