БАТЭ з цяжкасцю вырваў чэмпіёнства ў апошнім туры
Барысаўскі БАТЭ з цяжкасцю вырваў чэмпіёнскі тытул у апошнім, 30 туры першынства краіны па футболе ў вышэйшай лізе. 26 лістапада клуб гуляў з “Гарадзеяй”. Для таго, каб застацца на першым месцы, барысаўчанам трэба было згуляць хаця б унічыю, але БАТЭ саступаў 2:3 ажно да апошняй дададзенай хвіліны гульні. Дубль Віталя Радзівонава ўратаваў каманду ад паразы ў сустрэчы з “Гарадзеяй” — 3:3 і чэмпіёнскі тытул.
Мінскае “Дынама” заваявала 2-е месца, разграміўшы “Віцебск” — 4:1. На трэцім месцы — салігорскі “Шахцёр”, які ў фінальным матчы саступіў гродзенскаму “Нёману” — 3:1.
Вынікі іншых матчаў апошняга туру: “Крумкачы” — “Мінск” — 2:1, “Гомель” — “Дынама” (Брэст) — 0:1, “Тарпеда-БелАЗ” — “Славія” — 2:0, “Нафтан” — “Іслач” — 1:2, “Дняпро” — “Слуцк” — 0:0.
Выніковая турнірная табліцы выглядае так:
- БАТЭ
- “Дынама” (Мінск)
- “Шахцёр”
- “Дынама” (Брэст)
- “Тарпеда-БелАЗ”
- “Нёман”
- “Слуцк”
- “Віцебск”
- “Гарадзея”
- “Гомель”
- “Іслач”
- “Дняпро”
- “Крумкачы”
- “Мінск”
- “Славія”
- “Нафтан”
Вышэйшую лігу па выніках сезона пакідаюць “Славія” і “Нафтан”. Прыходзяць у элітны дывізіён “Прамень” і “Смалявічы-СТІ”.
