“Беларуськалій” акажа дапамогу сем’ям загінулых шахцёраў

“Беларуськалій” акажа дапамогу сем’ям дваіх загінулых шахцёраў, якія трапілі пад абвал на рудніку. Пра гэта заявіў генеральны дырэктар прадпрыемства Іван Галаваты, перадае БЕЛТА. Ён распавёў, што смерць шахцёраў наступіла імгненна, у момант абрынання даху. Іх целы знайшлі побач з абсталяваннем, падчас раскопак завалаў выкінутай руды.

Усяго ў тую змену на рудніку працавала 150 чалавек, а ў кірунку, дзе адбылася аварыя, 14 чалавек. Гарнякоў шукалі 30 гадзінаў.

Цяпер з сем’ямі загінулых працуюць псіхолагі. У Максіма Іванова засталіся дзве дачкі, у Дзмітрыя Валькова — сын. Прадпрыемства абяцае матэрыяльную падтрымку родным загінулых у наступныя гады.