Беларускамоўнай айцішніцы з EPAM пагражае да дзесяці гадоў калоніі
Марына Леановіч / ВКонтакте
Прызначаны суд па справе супрацоўніцы EPAM Марыны Леановіч. Судзіць яе пачынуць 11 кастрычніка. Дзяўчыну вінавацяць па двух артыкулах — "фінансаванне экстрэмісцкай дзейнасці" і "фінансаванне або іншая фінансавая падтрымка вайны". Ёй пагражае ад пяці да дзесяці гадоў калоніі, піша "Наша Ніва".
Марыне 28 гадоў. Яна мінчанка. Скончыла БДУІР і працавала ў EPAM франтэнд-распрацоўшчыцай. Акрамя таго, дзяўчына пісала артыкулы для беларускай Вікіпедыі, стварала вершы, рабіла ілюстрацыі ды перакладала на беларускую мову. Усе сацсеткі дзяўчына вяла па-беларуску. Пасля нападу Расіі на Украіну Марына з’ехала ў Тбілісі. Інфармація пра яе затрыманне з’явілася ў сацсетках у кастрычніку 2023 года. Чаму дзяўчына вярнулася ў Беларусь, невядома.
Судзіць Марыну будзе Алена Шылько. Яна вядомая тым, што прысудзіла сем гадоў калоніі за праваабарону Настассі Лойка, шэсць гадоў за данаты Мікалаю Васілевічу і пяць гадоў мастаку Алесю Пушкіну, які памёр за кратамі.
